Policia e Durrësit ka shoqëruar 10 persona, të dy kompanive të policive private, disa nga ta shoqëronin paratë që u grabitën dhe të tjerë ndodheshin në Rinas.
Edhe policia e Krujës ka marrë në pyetje 16 persona të tjerë.
Grabitja e parave të Raiffeisen Bank në Rinas ka vënë në lëvizje edhe Prokurorinë e Përgjithshme. Kryeprokurori Adriatik Llalla ka kërkuar hetim për zyrtarët e lartë të Policisë së për shkak se masat e sigurisë në aeroport ishin në nivele të dobëta dhe nuk parandaluan ngjarjen e rëndë.
Sipas kryeprokurorit Llalla, zyrtarët e policisë janë përgjegjës për masat e sigurisë, të cilat dje nuk kanë rezultuar efikase.