Një efektive policie e repartit Shqiponja, Ina Muka, 24 vjeçe mbeti e plagosur rëndë gjatë protestës së banorëve të Unazës së Re kundër prishjes së banesave të tyre. Ajo është vizituar sërish mbrëmjen e sotme nga kryeministri Edi Rama i cili i dedikoi një postim në Instagram ku shkroi shumë fjalë të mira për punën e saj dhe jo vetëm.

Rama ka shkruar në Facebook se që nesër do ta nisin për një operacion të gjatë e të vështirë në Stamboll, madje e ka premtuar se kur të shërohet, bashkë do të bëjnë një ndeshje në Basketball.  Rama ka postuar gjithashtu në Instagram një foto ku shfaqet duke e puthur Inën në ballë dhe pranë saj shihet dhurata që i ka bërë, një iPhone X.

“Ina është një vajzë fantastike, që i përballon me buzëqeshjen e njeriut superkurajoz pasojat e krimit brutal mbi të? Në Policinë e Shtetit ajo s'ka hyrë për të bërë një punë, po për një pasion të ushqyer me nota të larta në shkollë, e me stërvitje të përditshme në vijim? Sapo i thashë se gjithçka po bëhet gati për një operacion të gjatë e të vështirë në Stamboll dhe do ta nisim nesër✈️ Më kërkoi t'i premtoj se kur të rimarrë kontrollin mbi duart, do të bëjmë një ndeshje? Patjetër Ina, të shkuara dhe krenar për ty?”