Teksa nisën të shqyrtojnë projektligje deputetët në komsionet parlamentare kanë mbetur pa drita. Një stakim i befasishëm ka bërë që errësira të kaplojë politikën. E me sa duket edhe në foton e bërë në komsionin e ekonomisë asgjë nuk duket më e qartë dhe në këto kushte kuptohet që puna nuk mund të vazhdojë duke bërë që të gjitha komsionet të ndërpresin mbledhjet. OSHEE, ka njoftuar se mungesa e energjisë për Kryesinë e Kuvendit dhe disa zona të tjera të Tiranës do të vijojë për disa orë. Kjo për shkak se një firmë private, që po punon për ndërtimin e Unazës së Re, ka dëmtuar rrjetin përcjellës pranë Hotel Tiranës.