Ashtu siç ndodh gjithmonë, politika ka uruar Kurban Bajramin. Ndërsa kryeministri Edi Rama dhe kryetari i PD, Lulzim Basha kanë përcjellë mesazhe pa sfond politik, ndryshe ka bërë presidenti Ilir Meta.

Presidenti përtej urimit dërgon dhe një mesazh ku bën thirrje që të lihen mënjanë interesat personale për të menduar më shumë për interesin e përbashkët kombëtar.

”Në këtë ditë të shenjtë, feste e bashkimi, kur ne ndajmë begatinë tonë me njerëzit në nevojë dhe solidarizohemi me ta, ju uroj nga zemra sa më shumë mirësi, mirëkuptim e dashuri në familjet tuaja dhe mes njëri-tjetrit!
Kjo festë që vërteton harmoninë e bashkëjetesën tonë fetare, uroj të na nxitë për më shumë tolerancë, dialog gjithpërfshirës dhe bashkëpunim, në mënyrë që të gjithë së bashku të ndërtojmë një të ardhme më të mirë e të begatë për brezat e rinj dhe një Shqipëri si gjithë Europa!” shkruan presidenti në urimin e tij.

Kryeministri Edi Rama ka uruar përmes publikimit të pamjeve të Xhamisë së Pazarit në Gjirokastër.

Nuk ka munguar urimi edhe nga kyetari i Partisë Demokratike Lulzim Basha, i cili shkrimin e ka shoqëruar me një dash.

Mesazhe urimi ka përcjellë edhe kryetarja e LSI, Kryemadhi dhe Kryetari i Bashkisë Tiranë Veliaj.