Një episod mjaft i rrallë ishte ai që u pa në ndeshjen e mbrëmshme gjatë Chelsea – Manchester City. Trajneri Sarri kërkonte zëvendësimin e portierit Kepa Arizabalaga, por ai nuk pranoi të dilte nga fusha e lojës.
Një episod qesharak, por që ka ngjallur edhe mjaft debate. A është e lejueshme ajo që bëri portieri? Mesa duket po.
Një arbitër, nuk ka të drejtë me rregullore ta detyrojë një lojtar të zëvendësohet, edhe nëse trajneri apo kapiteni kërkon largimin e tij nga fusha.
Gjithashtu në internet po qarkullon edhe një rast tjetër kur Leo Messi refuzonte trajnerin Enrique për të dalë nga loja dhe Kepa mesa duket nuk është i pari.
Chelsea humbi Kupën e Ligës përballë Manchester City me penalltitë shtesë.