Policia e Shtetit ka nisur arrestimet e protestuesve të opozitës. Pas shoqërimeve që ndodhën mbrëmë, edhe sot policia ka qenë duke kërkuar autorët e përplasjeve dhe akteve të dhunshme. Deri tani janë arrestuar 50 protestues, ndërsa 40 të tjerë po ndiqen në gjendje të lirë.

Të arrestuarit dyshohet se kanë ushtruar dhunë dhe kanë prishur qetësinë publike në protestën e katërt kombëtare që zhvilloi opozita një ditë më parë. Ndërkohë, ditën e sotme kryeprokurorja Arta Marku që në orët e para të mëngjesit ka shkuar në Kryeministri.
Automjeti i saj, në orën 09:00 është parë teksa hynte në godinën, ku mendohet se ka zhvilluar një takim me kryeministrin Edi Rama, 7 orë pas protestës së opozitës.