Një gjykatë në Austri ka urdhëruar që Facebook të heqë postimet e cilësuara si gjuhë të urrejtjes, me një vendim që mund të ketë ndikime ndërkombëtare. Çështja u soll nga Partia e Gjelbër e vendit pasi liderja e saj u vu në shënjestër nga një llogari e rreme. Gjykata tha se postimet jo vetëm në Austri por në mbarë botën duhet të fshihen. Facebook nuk ka komentuar ende. Gjykata e apelit në Vienë vendosi që postimet kundër udhëheqëses të të gjelbërve Eva Glaëischnig - dhe se çdo rivendosje fjalë për fjalë - duhet të hiqen. Sipas gjykatës bllokimi i mesazheve në Austri pa i hequr ato për përdoruesit jashtë vendit nuk ishte i mjaftueshëm. Gjykata tha se ishte e lehtë për Facebook të automatizonte këtë proces.  Megjithatë Zuckerberg vazhdon të këmbëngulë se firma e tij është një kompani e teknologjisë dhe jo një organizatë mediatike. Por rrjeti i tij social është padyshim një burim lajmesh për  shumë prej 1.94 miliardë përdoruesve.  Për këtë arsye facebook është gjithnjë nën presion për të marrë përgjegjësinë për përmbajtjene postimeve.