Mozzik dhe Loredana kanë qenë dhe vazhdojnë të jenë në qendër të vëmendjes së mediave për jetën e tyre private. Ndarja e çiftit bëri shumë bujë dhe po ashtu deklaratat e tyre ndaj njëri-tjetrit. Gjatë këtyre muajve në karantinë, Mozzik e ka shprehur shpesh faktin që i mungonte vajza e tij, Hana, e cila jeton me Loredanën. Por më në fund babë e bijë janë bërë bashkë dhe për më shumë, me këtë rast janë bashkuar edhe Mozzik me Loredanën.

Ditën e Bajramit, të dy kanë postuar foto nga e njëjta shtëpi duke treguar se kur bëhet fjalë për Hanën ata e harrojnë ndarjen.