Për të parandaluar shkeljen e rregullave të qarkullimit rrugor, Policia Rrugore e Tiranës ka vendosur me dhjetëra gjoba ndaj drejtuesve të mjeteve, si për përdorimin e alkoolit, ashtu edhe për makinat që rezultojnë debitore në pagesën e taksave apo mungesën e kontrollit teknik.

Por në disa raste qytetaret kanë tentuar të korruptojë dhe punonjësit e policisë për t’i shpëtuar gjobave.

Ja cila është biseda mes tyre:

Shoferi: T’u japë vëllai një kafe të mirë?

Polici: Urdhëro?

Shoferi: T’u japë vëllai një kafe të mirë, pa marrë në telefon.

Polici: Jo. Pse do të më japësh kafe?

Shoferi: Që të iki vëllai jot, mos të lodhesh më këtë punë.

Përveç këtyre tre shoferëve që ofruan në secilin prej rasteve nga 1000, 2000 dhe 3000 lekë për rrugorët për të mos u penalizuar pasi ecnin të dehur në timon, u arrestuan dhe 12 drejtues të tjerë mjetesh për shkelje të ndryshme të kodit rrugor.

Në total u vendosën 1200 gjoba dhe u pezulluan 66 leje drejtimi për drejtim mjeti nën efektin e alkoolit dhe për shpejtësi mbi normat e lejuara.