Është bërë e udhës tashmë që nëse personazhet e njohur heqin njëri-tjetrin nga Instagrami, të krijohet përshtypja te fansat sikur ata nuk flasin më. Noizy dhe Dafina Zeqiri prej disa ditësh nuk e ndjekin më njëri-tjetrin në Instagram.

Kujtojmë se 6 muaj më parë, ata vendosën të linin në harresë diss-et e së kaluarës duke sjellë një bashkëpunim, një klip plot skena intime pranë njëri- tjetrit, por ende se kemi marrë vesh çfarë ndodhi që ata nuk janë më miq. Mirëpo Dafina nuk qenka zënë vetëm me Noizyn, por edhe me shoqen e saj, këngëtaren e njohur, Dhurata Dorën me të cilën thuhej se do sillte edhe një bashkëpunim, që tashmë vështirë të ndodhë.

Ato nuk ndiqen më në instagram dhe kjo ka bërë që fansat të mendojnë se Dafina dhe Dhurata s’janë më shoqe.

Kujtojmë që pak ditë më parë u përfol se Noizy dhe Dhurata do të sillnin një bashkëpunim, mirëpo nuk dihet se nëse ky është shkaku i prishjes së raportit mes dy këngëtareve.