Prej disa kohësh kemi parë deklarata nga më të ndryshmet të repereve të njohura shqiptare si Tayna, Melinda, Rina apo edhe Fifi.

Reperet e reja s’kanë reshtur së ngacmuari njëra-tjetrën në deklarata të ndryshme publike apo edhe nëpër këngë. Por siç duket reperja e njohur Melinda Ademi ka reflektuar dhe nëpërmjet një postimi në ‘Instastory’, këngëtarja Melinda i ka habitur të gjithë teksa ka kërkuar falje publikisht Taynës për gjithë fjalët që ka thënë për të në tekstet e këngëve të saj.

“I kërkoj falje artistes Tayna për ofendimet në freestyle-in e fundit. Për shkak të drejtimit që ka marrë rep-i i femrave mendoj se duhet të ndryshojmë drejtimin dhe mos të nxisim urrejtje te gjeneratat e reja”, shkruan Melinda në Insta Story.

Kjo ndjesë erdhi pak kohë pasi Ledri Vula gjatë një interviste tha se nuk po i pëlqen që femrat po shahen nëpër këngë dhe se ato mund të bëjnë rep të mirë pa ofenduar.