Jeta është shumë e vështirë, por duhet të jemi të fortë “ta mundim” atë. Këtë e ka bërë më së miri, një 14-vjeçare rumune, e cila në verën e këtij viti, u shpall fituese e spektaklit “Romania’s Got Talent”.
Fatkeqësisht nuk ka duart, por zoti e ka bekuar me një zë të mrekullueshëm dhe teksa këndon i bie pianos me gishtat e këmbës. Ajo ka lindur me probleme fizike, duke mos pasur asnjë nga krahët, por edhe me problem në pjesën e kofshëve, e si të mos mjaftonin këto, është braktisur nga prindërit e saj biologjikë.
Nga momenti i futjes në ‘Romania’s Got Talent’, në muajin mars, të 14 vjeçares Lorelai Mosnegutu, e deri më sot videoja e parë e prezantimit të saj në këtë emision ka marrë mbi 3 milionë shpërndarje në Facebook dhe dhjetëra milionë komente e pëlqime për rreth globit.
Ajo vlerësohet jo vetëm për zërin dhe aftësinë e rënies së pianos, por edhe për vullnetin e pafundëm që Lorelai ka. Kjo pasi pavarësisht problemeve fizike atë se ka ndalur asgjë për të arritur ëndrrën e saj, të këndojë e të luaj në piano.