Pas letrës së kryeparlamentarit Ilir Meta drejtuar Presidentit Nishani ku i kërkoi mbledhjen e Këshillit të Sigurisë Kombëtare vjen dhe përgjigjia nga ky institucion.
Drejtori i kabinetit të Presidentit Olsi Lafe në një konferencë për mediat ka shprehur shqetësimin për mossarrestimin e Klement Balilit, të njohur ndryshe si “Eskobari i Ballkanit” që prej kohësh kërkohet nga policia dhe për këtë arsye sipas tij Nishani ka marrë vendimin që Këshilli të mblidhet për këtë çështje.
Mes të tjerash Lafe shprehu edhe shqetësimin e partnerëve të SHBA dhe të tjerëve që paraqesin rezerva për Shqipërinë për shkak të mos arrestimit tij në kohë si dhe rrezikut që ekziston nga mosveprimi i institucioneve në goditjen ndaj trafikut e krimit.