Donald Trump ka fituar zgjedhjet paraprake presidenciale në 5 shtete, ndërsa Hillary Clinton triumfoi në katër. Trump arriti të fitojë në Connecticut, Delaware, Maryland, Pennsylvania dhe Rhode Island. Ndërsa Clinton arriti fitore në Connecticut, Delaware, Maryland, Pennsylvania, por në Rhode Island triumfoi Bernie Sanders.

Rivalët e miliarderit e kanë larguar vëmendjen nga verilindja, për t’u fokusuar në zona të tjera. Kështu, Ted Cruz dhe John Kasich kanë bashkuar forcat për të ndihmuar njëri-tjetrin në Indiana, Oregon dhe Nju Meksiko.

Duke folur në konventën e Filadelfias, Clinton tha se fushata e saj ka si qëllim përmirësimin e jetës në SHBA.