Presidenti i Italisë, Sergio Mattarella, ka pranuar sot dorëheqjen e kryeministrit Mateo Renzi.

Pas takimit mes Sergio Mattarellas dhe Renzit, Sekretari i Përgjithshëm i Presidencës italiane, Ugo Zampetti, ka deklaruar për mediat se Presidenti ka pranuar dorëheqjen e Kryeministrit të Italisë.

Ai shtoi se duke filluar nga dita e nesërme, 8 dhjetor 2016, Presidenti do të nisë konsultimet me të gjitha forcat politike mbi krijimin e qeverisë së re.

Dorëheqja e Renzit vjen në të njëjtën ditë që Senati italian votoi pr/ligjin e buxhetit me 166 vota pro, kusht ky i vendosur nga Presidenti i vendit Serxho Matarela për të zhbllokuar dorëheqjen e kryeministrit italian Mateo Renzi.

Në ditët në vijim do të vendoset nëse në Itali do të ketë zgjedhje të parakohshme apo qeveri teknike.