Presidenti i Maqedonisë, Gjorge Ivanov, deklaroi se ai ka vendosur të mos e dekretoj miratimin e ligjit për përdorimin e gjuhëve, mes tyre edhe Shqipen. Sipas presidentit ligji rrezikon karakterin unitar të shtetit, sovranitetin dhe integritet territorial të Maqedonisë. Më 11 janar të vitit 2018 Kuvendi i Maqedonisë e votoi ligjin për përdorim të gjuhëve pa debat publik, pa përfshirjen e ekspertëve akademik dhe pa opozitën. Ai tha se ka informuar Kuvendi lidhur me vendimin e tij. Në letrën e tij, ai tha se në mënyrë të detajuar ka arsyetuar vendimin dhe ka bërë thirrje që deputetët të shqyrtojnë sugjerimet e tij dhe më pas të veprojnë me përgjegjësi. Ligji për gjuhët që u miratua javën e kaluar me 69 vota. Pas vendimit të presidentit Ivanov ligji sërish rikthehet për në Kuvend, ku pritet të miratohet sërish dhe që më pas menjëherë hyn në fuqi.