Kryeministri Rama e hapi ditën e sotme me një përshëndetje nga punimet që po zhvillohet në qytetin e Fierit në kuadër të projektit të lumit Gjanica ndërsa presidenti Meta ka vendosur ti urojë mëngjesin shqiptarëve me foton e 40 vajzave nga Kosova me emrin Saranda.

“Të dashur miq, ju përshëndes sot me fotot e 40 Sarandave në Sarandë, në prag të 10 vjetorit të Pavarësisë së Kosovës!”, shkruan Meta në postimin e tij në facebook.

E veçanta e tyre qëndronte në faktin se të 40 vajzat gëzojnë të njëjtin emër, të gjitha quhen Saranda. Vajzat janë nga Kosova dhe dy ditë më parë kanë kryer një vizitë të gjitha së bashku drejt qytetit bregdetar, ndonëse në sezonin e dimrit.

Ky udhëtim është zhvilluar në kuadër të 10 vjetorit të pavarësisë së Kosovës.