Fillimisht është njoftuar nga Oborri Mbretëror, por ky lajmërim nuk kishte si të mos figuronte në faqen e Instagramit të Princit Leka. Me “kënaqësi të veçantë” ai ka “njoftuar mbarë kombin shqiptar” se do të martohet me artisten 33 vjeçare më 8 tetor në Tiranë. Elia Zaharia është vajza e aktores së njohur Yllka Mujo, dhe së bashku me vëllain e saj Amos ka ndjekur rrugën artistike të mamasë së saj. Princ Leka i dytë është djali i Princ Lekës së parë dhe nipi i mbretit Ahmet Zogu.