Kryetari i Partisë Demokratike Lulzim Basha ka reaguar pas procedimit penal të nisur për 25 protestues. Basha në dy reagime në rrjetet sociale shkruan se shteti po degradon përditë e më shumë. “Kapen duke vjedhur dhe pastruar 30 milionë euro, por as hajduti psiqik dhe asnjë nga vartësit e tij nuk është duke u hetuar penalisht. Ngritën zërin kundër qeverisë, të drejtë të cilën ua ka dhënë Zoti dhe Kushtetuta dhe ka filluar procedimi penal për 25 qytetarë të lire”, shkruan Basha, duke vijuar më një reagim të dytë, “Ky shtet po degradon përditë në një regjim hajdut dhe shtypës në duar të krimit, por që do të shembet përpara vullnetit të njerëzve”.