Nëse flini mirë natën jeni më produktivë në punë. Disa kompani japonezë kanë filluar të kuptojnë se punëtorët duhet të flenë të paktën 6 orë për të qenë produktivë. Një nga këto kompani filloi të inkurajojë punonjësit duke i shpërblyer me lekë.

Crazy është kompani e planifikimit të dasmave në Tokio. Ajo njoftoi një "sistem shpërblimi për gjumin" dhe ka bashkëpunuar me Airweave, një agjenci e specializuar në teknologjinë e analizës së gjumit, e cila mundëson sistemet e monitorimit të gjumit.
Punëtorët që instalojnë aplikacionin “analiza e gjumit” në telefonat e tyre dhe ndajnë të dhënat me kompaninë do të jenë në gjendje të marrin pikë bazuar në sa orë flenë natën.
Kompania fillimisht prezantoi sistemin e shpërblimit të gjumit pasi kreu eksperimentin. Punonjësit që morën pjesë në studim përmirësuan kohën e tyre të gjumit, shëndetin dhe rritën performacën në punë.
Punëtorët, që arrijnë të flenë të paktën 6 orë në natë, së paku 5 ditë në javë, fitojnë pikë që mund të konvertohen në para.
Për shembull, nëse aplikacioni tregon se një punonjës ka fjetur minimumin 6 orë në natë, për 5 net në javë, ai do të marrë 500 pikë të brazvlefshme me 3.8 euro. Nëse ata mund ta bëjnë atë 6 herë në javë, do marrin 600 pikë, dhe duke arritur pragun 6-orësh për një javë të tërë do të marrin 1.000 pikë dhe dyfishin e eurove.