Banorët e kryeqytetit pritet të kenë një tjetër zonë të gjelbëruar dhe investuar për të kaluar disa orë pushimi. Zona  e liqenit të Kasharit sipas Bashkisë së Tiranës do të marrë një zhvillim të ri dhe për këtë ka nisur punën, për të ndryshuar krejt pamjen dhe Liqeni të Kasharit dhe zonën përreth tij do të jenë një park i dytë urban. Kryebashkiaku Erjon Veliaj e cilësoi Parkun e Kasharit si hapësirën e dytë më të rëndësishme çlodhëse dhe argëtuese pas asaj të Liqenit të Tiranës, duke shtuar se ky park do të shfrytëzohet nga një pjesë e mirë e banorëve të Tiranës, kryesisht ajo e zonës veri-perëndimore e qytetit.  Veliaj mendon se mbi 200 mijë banorë, do të mund të kenë mundësi ta aksesojnë parkun e zonës së Kasharit.