Një ngjarje jo e zakontë ka ndodhur ditën e djeshme në qytetin e Tiranës. Një 28-vjeçare ka denoncuar në polici pronaren e një lokali pasi pretendon se kjo e fundit e ka goditur me grusht.

Njoftimi i plotë i policisë:

Më datë 18.03.2018, shtetasja M.T, vjeç 28, banuese në Tiranë, kallëzon se në rrugën “Skënder Kosturi”, në një lokal lojërash fëmijësh, është goditur me grusht, nga pronarja e lokalit të cilën nuk e njeh. Punohet për identifikimin dhe shoqërimin e saj. Materialet u referuan në Prokurorinë e Rrethit Gjyqësor Tiranë. Neni 90 i Kodit Penal.