Propozimi i Komisionit të Reformës Zgjedhore sjell rritje mandatesh në Tiranë dhe Durrës dhe ulje në qarqe të tjera si Kukësi, Korça dhe Berati. Ndarja e re elektorale është llogaritur nga Komisioni Qëndror i Zgjedhjes duke u bazuar në rezultatin e vitit 2013 për t’i paraprirë procesit elektoral. Kjo ndarje e re për zgjedhjet e vitit 2017 do të përcaktohet nga rritja natyra e popullsisë si dhe lëvizjet e saj brenda territorit shqiptar. Spikat fakti se rishpërndarja do të prekë vetëm një numër të limituar qarqesh. Korçës , Kukësit dhe Beratit u hiqet nga një mandat në raport me zgjedhjet e vitit 2013. Korça do të ketë 11 mandate, në krahasim me 12 që kishte fillimisht, Berati 7 nga 8 dje Kukësi 3 nga 4. Këto mandate do të kalojnë në Tiranë dhe Durrës, me kryeqytetin që fiton 2 mandate duke rritur numrin e deputetëve në 34 nga 32 që kishte fillimisht, ndërsa Durrësi bëhet me 14 mandate nga 13.