Brazili gjendet në mes të krizës më të rëndë politike në rreth 25 vjet, ndërsa e ardhmja e qeverisë se Dilma Rusef është në dyshim.

Policia braziliane ka përdorur gaz lotsjellës për të shpërndarë protestuesit anti-qeveritare në Sao Paulo, ndërsa disa qytetarë kanë mbetur të lënduar si pasojë e përplasjes me efektivët e forcave speciale.

Protestat janë ndërmarrë kundër presidentes Dilma Rousseff e cila ditë më parë emëroi si ministër paraardhësin e saj, Luiz Inácio Lula da Silva.

Ata e kanë akuzuar atë për keqmenaxhim ekonomik dhe përfshirje në një skandal korrupsioni me kompaninë shtetërore të naftës, Petrobras.