Nga tensioni dhe përplasja e banorëve të Unazës së Re me policinë para Kuvendit, policia e Shtetit i ka bërë thirrje protestuesve që të distancohen dhe mos ushtrojnë dhunë, pasi kanë mbetur të plagosur 6 efektivë policie.

Në një thirrje përfaqësuesi i policisë tha:

"Zotërinj qytetarë janë plagosur 5-6 efektivë, ju lutem mos hidhni kapsolla. Policia nuk ushtron dhunë. Jemi në detyrë, ju lutemi distancohuni."

Efektivët e plagosur janë dërguar me ambulancë në spital. Ndërkohë deri tani protestuesit tentuan dy herë të çajnë kordonin e policisë dhe të futen në Parlament.