Banorët e Mirditës kanë protestuar kundër vendosjes së taksës për rrugën e Kombit. Për ata kjo taksë është një zhvatje për qytetarët dhe të gjithë shqiptarët që do të përdorin rrugën e kombit.
E pranishme në këtë protestë deputetja e zonës Albina Deda tha se kjo takse është zhvatje e qytetareve.
Albina Deda:
“Koncensioni është i dyshimtë, jo ligjor, kriminal pasi rruga i sherben bashkimit të kombit dhe taksimi do të vendosë përsëri barriera .
Kjo nuk prek vetëm zonën tonë por gjithë Shqiptarët. Një kompani turke merr me koncesion 30 vjeçar Rrugën e Kombit. Rruga nuk ka mbaruar. Nuk është autostradë.

Kompania do të duhet të ndërtojë një urë mbi lumin Drin, të ndërtojë segmente e pambaruara të rrugës, të pajisë rrugën me sinjalistikën e nevojshme dhe ta mirëmbajë atë për 30 vjet. Një  pagesë prej 5 eurosh për çdo makinë që kalon në Rrugën e Kombit”.
Por qeveria thotë deputetja e PD, nuk ka parashikuar alternative pë rata qytetarë që nuk do të kenë mundësi të paguajnë për të kaluar në rrugën e kombit.
Albina Deda:
“Nuk ka rrugë dytësore, edhe qendrat e ish komunave janë në prag izolimi, nga mungesa e mirëmbajtjes dhe investimeve që në Mirditë jan 0 km për tre vjet.
Taksa e rrugës së Kombit është një barrë e rëndë për qytetarët, kjo taksë është goditja më e madhe që u bëhet atyre në këto ditë të rënda për ekonominë familjare dhe kombëtare”.
Deputja Deda paralajmëroi se Partia Demokratike do të anullojë këtë koncension menjëherë sapo të vij në pushtet.