Por zhurma dhe paqartësia ka zgjatur vetëm 24 orë, pasi vetë Televizioni ka zbuluar arsyet e “protestës” së paralajmëruar. Në fakt gjithçka sa u tha e u shkruajt është pjesë e një fushate të nisur nga stafi i televizionit. E për ta kuptuar, fushata promovon pikërisht të kundërtën, të drejtën e prezantuesve dhe punonjësve për të pushuar pas një viti të suksesshëm pune.

Ata kanë arritur të mbyllin një vit programacioni të suksesshëm, ndërkohë nisen “publikisht” me pushime për të gjetur frymëzim pasi e dinë që në shtator i pret një sezon i ri artistik, me iniciativa akoma më ambicioze që kërkojnë më tepër angazhim.

Vetë fushata e konceptuar me gjuhën dhe simbolet e viteve të monizmit është një rikthim nostalgjik në kohë që ndërthur gjuhën e “fletë rrufeve” dhe “këndit të emulacionit” dikur, me tendencat e sotme më bashkëkohore, që të rinjtë e INtv i njohin aq mirë. Ndërkohë ata janë pajisur me “mjetet e punës”, si kova e lopata dhe janë nisur për në plazh.

Mesazhet e prezantuesve te INtv, si gjithnjë origjinale dhe me doza humori, vijnë në videot e mëposhtme. Është momenti të shuani kureshtjen se si janë në të vërtetë “protestat” në INtv, dhe si shpërblehen ata që protestojnë nga stafi drejtues!