Për 2 orë me radhë foltorja e kuvendit është bllokuar nga opozita. Deputetët demokratë merrni me radhë fjalën, e pas përfundimit të kohës së lejuar Gramoz Ruçi i ndërpriste fjalën e më pas edhe seancën. 4 herë me radhë Ruçi nuk mundi të vazhdojë seancën, pasi demokratët bllokonin foltoren ndërsa fjalimet e tyre më pas i përcillnin përmes facebook.
Duke parë zhvillimet për dy orë me radhë në Kuvend, kreu i Grupit të PS, Taulant Balla, kërkoi që të ndërpriteshin diskutimet dhe të votoheshin projekt ligjet dhe marrëveshjet e parashikuara.
Në këtë situatë, mazhoranca vendos të hedhë në votim ligjet, dhe më pas deputetët socialistë janë larguar nga salla e kuvendit. Ata lanë pas deputetët demokratë, të cilët kanë vijuar të mbajnë fjalimet e tyre, të cilat u përcollën përmes facebook të Lulzim Bashës.