Vështirë se dikush prej nesh nuk ka blerë qoftë edhe një herë të vetme në tregun e veshjeve, sendeve të përdorura, ose siç i quajmë ndryshe, në tregun e gabit.
A e dini se pse ka këtë emërtim të tillë ky treg, kur realisht kemi të bëjmë me objekte, sende, veshje të dorës së dytë?
E ftuar në “Rreze Dielli”, sociologia Entela Binjaku sqaroi:
Në fillesat tona të pas ’90 ishin pikërisht kjo pjesë e shoqërisë sonë, që karakterizohet nga ecja, lëvizja, qarkullimi, që i futën objektet e përdorura një herë, veshjet, rroba, çanta, sende elektroshtëpiake etj. Që atë moment, iu atribuua atyre, komunitetit rom dhe mbeti kështu. Njerëzit nuk u thelluan më të gjenin një emër tjetër, por realisht emërtimi është i padrejtë. Ato janë mallra të dorës së dytë”.
14 Dec 2024 
