Pas 10 vitesh martesë, ata kanë bërë publike ndarjen vitin e kaluar, por deri tani asnjëri  prej tyre nuk ka hedhur një hap përpara realisht drejt divorcit.

Së fundmi, “US Weekly” ka raportuar se çifti i ka lënë pezull dokumentat dhe procedurat e divorcit. “Jeniffer  ishte shprehur se procedurat e divorcit do të nisnin shumë shpejt, por vetëm pak javë më parë gjërat kanë ndryshuar”, ka thënë një burim i afërt më aktoren 44-vjeçare. “Duket qartë që gjërat nuk po marrin atë drejtim”.

Diçka e ka bërë çiftin të ndryshojë mendje dhe t’i japin pse jo, një shans të dytë martesës së tyre.

Garner, e cila akoma jeton së bashku me Affleck dhe fëmijët në të njëjtën shtëpi, thuhet se ende vazhdon të jetë e dashuruar me Ben, por fokusi i saj kryesor tashmë janë fëmijët.