“Fati im i mirë dhe i keq njëkohësisht, ishte që unë të filloja punë menjëherë me Adi Krastën”, tregoi moderatorja Ornela Bregu teksa ka qenë e ftuar në divanin e rehatshëm të rubrikës “Life Stories”  nga Arjola Shehu.

“Fat i mirë, sepse kuptova limitet e televizionit falë tij, mora një ekperiencë shumë të mirë, megjithatë ishte njëkohësisht edhe fat i keq për mua”, rrëfen prezantuesja e “E Diell”. “E dua shumë dhe nuk dua ta fyej, ai e di këtë gjë. Megjithate Krasta duke qenë një emër i madh, ishte pak prepotent për mua si një vajzë e re që doja të shprehesha. Në atë kohë në Telebingo filloi të bëhej edhe shoë dhe mua më mbetej vetëm pjesë e garniturës”, tregon me humor Ornela.

Megjithatë sërish kur është pyetur se cilin do të veçonte si moderatorin nga i cili ka mësuar më shumë,  moderatorja me sytë e qeshur sërish  zgjedh Adi Krastën. Ajo tha se gazetari i njohur ishte për të hapi i parë dhe i sigurtë!”