Ajo po flitej prej kohësh për një shtatzëni të mundshme, por që nuk e pohoi kurrë publikisht. Megjithatë detaje të vazhdueshme e ‘tradhëtuan’.

Këtë herë Loredana ka një arsye të fortë për të pohuar, në mënyrën e saj, se është në pritje për t’u bërë mama për herë të parë.

Përpos suksesit që kanë patur këngët e reja, lidhja e dyshes po shkon mrekullisht mirë dhe gjëra më të bukura i presin...

Të paktën kështu është shprehur Loredana teksa uron të dashurin e saj të zemrës në ditën e lindjes.

“Gëzuar ditëlindjen Mozzik. Përveçse je burri im, je gjithashtu shoku im më i mirë. Ndoshta do të doja që çdo qënie njerëzore të ndryshonte diçka, përveç teje. Për mua ti je perfekt. Ne do të presim shumë gjëra bashkë në jetë, një prej tyre nuk vonon shumë për të ardhur. Ti e di për çfarë e kam fjalën.

Përgjithmonë!”- shkruan ajo duke e konfirmuar kështu se shumë shpejt do të bëhen prindër.