Gjatë natës së parë të spektaklit “Dance With Me”, këngëtari shqiptar Seldi konfirmoi lajmin se ai dhe Mimoza Shkodra i kishin dhënë fund fejesës. Madje u shpreh se edhe përse janë ndarë, ka shumë respekt për të dhe familjen e saj. Mimoza nuk ka bërë ndonjë reagim direkt për këtë ngjarje dhe arsyen na e tregoi Olti Curri.

I ftuar në emisionin “Rudina” zbuloi se kishte komunikuar pak ditë më parë me Seldin dhe kishte mësuar shqetësimin më të madh të Mimozës dhe tij. Sipas Olti Currit, dy ish-të dashuruarit janë shumë të shqetësuar se familjet e tyre lëndohen nga lajmet e bëra publike.

“Ata kanë zgjedhur të mos flasin, sepse duan të lënë të qetë familjen. Më shumë sesa për veten, nga komunikimi me Seldin mësova se ai dhe Mimoza donin të mbronin familjen. Për këtë arsye, Mimoza ka zgjedhur të mos reagojë.” – tha Olti Curri.