Balerina e njohur shqiptare, Klaudia Pepa, prej kohësh tashmë ka vazhduar karrierën e saj në Itali ku dhe është mjaft e njohur. Klaudia është shumë aktive në rrjetet sociale ku herë pas here publikon video me koreografitë e krijuara prej saj, të cilat janë pëlqyer shumë nga publiku.

Ditën e sotme balerina simpatike ka bërë një videolive në instagram ku shihej teksa qëndronte në makinë ku po priste të fillonte një event konkursi për balerinë aty ku ajo ishte pjesë e jurisë.

Sigurisht nuk mund të mungonin pyetjet nga më të ndryshmet e këtu nuk bën përjashtim as ish-partneri i saj Albi Nako. Shumë fansa e kanë pyetur për Albin, por Klaudia u tregua shumë e rezervuar dhe ua ktheu: “Pyetjeve me spec nuk u përgjigjem”.

Pyetje më me spec se ato për Albin, s’mund ti bënin balerinës seksi e cila u tregua “diplomate” në këtë video live në instagram.