Dikur Dafina Zeqiri dhe reperi Noizy nuk kishin aspak një marrëdhënie të mirë dhe nuk mungonin as diset. Madje vite më parë reperi në këngën “Na jena OTR” e ofendoi këngëtaren në tekst pas sherrit që pati me Ledrin (i cili atë periudhë ishte i lidhur me Dafinën).

Ledri dhe Noizy sot janë bërë miq të mirë dhe me Dafinën gjithashtu. Prej kohësh u paralajmërua bashkëpunimi i Daffy-t dhe reperit të OTR dhe tashmë të gjithë mund ta shijoni. Dyshja kanë publikuar këngë dhe videoklipin e shumëpritur. Kënga mban titullin “ A don Love” dhe dy artistët kanë sjellë një klip mjaft të këndshëm me ngjyra dhe motive vjeshte. 

Gjithashtu në këtë klip si Daffyn ashtu edhe Noizyn i shohim mjaft të afërt me njëri-tjetrin, ndërkohë që luajnë rolin e të dashuruarve. Por detaji që me siguri ju ka shpëtuar pasi mezi keni prritur të shihni dyshen është se klipi është xhiruar nga një iPhone 8+. Kujtojmë se edhe kënga e Elvana Gjatës dhe Brunos u xhirua me iPhone dhe pati vërtet shumë sukses.