Ashtu siç ju lajmëruam, sot është dita e madhe pasi Dua Lipa publikoi klipin e këngës së saj të fundit që rezultoi menjëherë e suksesshme. “Last Dance” u pëlqye direkt nga fansat duke e renditur kështu emrin e artistes me origjinë shqiptare përkrah emrave të klasifikimit britanik të këngëve, ku spikat ai i Adele.

Duket se edhe videoklipi ama nuk mbetet pas, i cili është sërish i realizuar në stilin tipik të Duas duke hasur kështu ngjashmëri me këngët e saj të mëparshme. Pylli me ngjyra deri diku jashtë reales dhe ndjesia haluçinante që përcjell të krijon përshtypjen e një skene nga “Liza në botën e çudirave”. Vetëm se nuk jemi të sigurtë nëse kërpudhat magjike i ka ngrënë Liza jonë,  luajtur nga Dua, apo i kemi ngrënë ne që jemi ata të cilët shohim haluçinacionet. Surrealiteti i videos përshtatet në detaje me vokalin e Duas, si për të vënë qershinë mbi tortë.