“Not Gona Talk”, ky është titulli të cilin reperi do të na e përcjellë sonte më konkretisht përmes muzikës dhe klipit.  Mungesa e gjatë e tij në muzikë ka rezultuar tërësisht e justifikueshme nisur nga ritmi me të cilin po publikon projektet e reja. Në fakt, kishte kohë që një artist shqiptar nuk iu dhuronte fansave një album. I vetmi ishte “Capital T” i cili në të vërtetë publikoi një përmbledhje muzikore dhe jo një album të mirëfilltë.

 

Por, Noziy i ka bërë mirë llogaritë dhe tani pas punës me albumin “ZinCity” pret vetëm që ai të marrë vlerësimin e fansave. Janë 7 klipet, pjesë të albumit “ZinCity” që djali i repit pret të publikojë njëri pas tjetrit, saktësisht nga një për çdo javë. ...por radhën sonte e ka “Not Gonna talk”.  Qëndroni në pritje këtë të premte që të shuani kuriozitetin edhe nëse pjesë e klipit do të jenë edhe dy vajzat OTR , Çiljeta dhe Enca.