Personazhi i njohur i filmave komikë u shfaq për herë të parë në një film gjatë historisë së saj 75 vjeçare, në “Batman v Superman”. Pritshmëritë ishin natyrisht të larta por paraqitja e Gal Gadot në rolin gruas së mrekullive i ngrohu zemrat e fansave. Tashmë ajo vjen me një film të vetin, në trailerin e të cilit shfaqet në mes të Luftës së Parë Botërore, e gatshme për të prapsur rreziqet që sjell një botë burrash. E mbushur me skena aksion, luftëtarja e amazonës me fuqitë e mbinatyrshme duket e pakapshme nga ushtarët e thjeshtë. Filmi ku Gadot do të shfaqet krah Chris Pine do të dalë në kinema më 2 qershor të vitit 2017.