Edhe pse sezonit turistik i erdhi fundi, shtatori ende mbetet një zgjedhje e mire për të marrë disa pushime.

Kjo për shkak se me fluksin e turistëve bien dhe çmimet.

Nëse keni menduar  ti kushtoni vetes disa ditë relaksi, ja vendet që mund të vizitoni, që sipas një studimi të Culture Trip renditën si vendet më të lira.

Shqipëria

Vendi ynë këtë vit ka tërhequr vëmendjen e të huajve dhe vazhdon ende të tërheqë pasi mund të kalosh disa ditë pushime pa të kushtuar shumë.

Sipas Culture Trip një vakt përllogaritet 7 dollarë ndërsa 1 birrë 1 dollarë.

E disa vendet të cilat nuk duhet ti lini pa vizituar janë Tirana, Berati, Valbona, Tamara, Saranda, Gjirokastra etj.

Sofia, Bullgari

Nëse kërkoni një udhëtim për të mësuar më shumë mbi artin dhe kulturën atëherë Sofia është vendi i duhur. E mbi të gjitha është një qytet që kërkon pak shpenzime. Mund të shijosh tre vakte për vetëm 12 dollarë dhe në fund mund të shijoni një birrë vendase për vetëm 1 dollarë.

Shuma pika turistike të Sofjes mund ti vizitoni për 3 dollarë ose falas.

Antalia, Turqi

E në këtë listë nuk mund të mungonte dhe Antalia një nga destinacionet më të lira për të pushuar ku kostot për një natë qëndrimi shkon tek 57 dollar dhe një vakt tek 8 dollarë.

Të gjithë kemi dëgjuar për restortet magjepse dhe plazhet ranore të Antalias të cilat mund ti kthejnë pushimet në ditë të pa harrushme.

La Palma, Ishujt Canary

Zhvillimi që po njeh kohët e fundit ky vend po tërheq pranë vetes shumë të huaj.

Nëse zgjidhni të udhëtoni drejt këtij vendi përgatituni të shpenzoni 15 dollarë për një natë në hotel dhe për një vakt që kushton tek rreth 6 dollarë. Një të veçantë që ka La Palma është se shumë vende kulturore mund ti vizitosh falas.

Tunizia

Sa prej jush mund të kenë dëgjuar se plazhet më të bukura të Mesdheut i gjeni në Tunizi dhe mbi të gjitha me çmime të arsyeshme.

Mexico City, Meksikë

Meksika ende vazhdon të mbetet një destinacion që nuk të zhgënjen. Një vakt  përllogaritet rreth 5 dollarë. Meksika njihet si një vend me resortet më çmime të arsyeshme.

Havana Kubë

Në listën e Cultur Trip nuk mungon dhe Kuba, një vend i lirë dhe që të fal përvoja të mrekullueshme.

Kuba njihet në të gjithë botën për koktejet më të mira që i gjeni dhe me çmime shumë të lira për rreth 4 dollarë.

Një vakt për dy persona mund tiu kushtoj vetëm 11 dollarë.

Gjithashtu  vendet si Manila, Filipine dhe Kartagjena, Kolumbi janë një zgjedhje shumë e mirë për të pushuar në shtator.  Ku mund të njihesh me kultura të ndryshme me çmime të arsyeshme.