Ajo merr gjithnjë vëmendje. Është numri dy i Lëvizjes Socialiste për Integrim, e bashkëshortja e Presidentit të ardhshëm Ilir Meta. Bëhet fjalë për Monika Kryemadhin, e cila tashmë është angazhuar maksimalisht në fushatën elektorale. Starti i fushatës ka nisur prej kohësh, ndaj Monika Kryemadhi po i mungon familjes. Por në një status në facebook Monika Kryemadhi tregon jo vetëm përqafimin më të ngrohtë për të por edhe duke vënë theksin se gruaja është forcë e madhe.
Monika Kryemadhi:
“Mirëmëngjes.
Sot do të jem në Gramsh, si çdo ditë, në takime intensive në qarkun e Elbasanit. Ka nga ata që mendojnë se është e lodhshme për një grua, bashkëshorte dhe nënë të jetë të gjitha bashkë në harkun e 24 orëve... po si mendoni? A ka burim më të madh energjie se përqafimi i Erës para se të niset në shkollë? Ajo më mbush me dritë dhe dashuri për të përballuar ditë të mira dhe të vështira. Dhe për këtë fëmijët meritojnë me të mirën. Së bashku do punojmë dhe përpiqemi për të rritur sa më mirë fëmijët tanë, të shëndetshëm dhe të shkolluar.
#EnergjiPozitive #LsiForceePare #NjesShansPerTeGjithe #NjeShansPerFamiljen