Policia kufitare në Qafë-Thanë, ka goditur një rast të trafikut ndërkombëtar të lëndëve narkotike. Shërbimet e Policisë Kufitare, kanë bërë të mundur arrestimin e kamionistit Gentian Qarri, 41 vjeç si dhe sekuestrimin e 54 kg Cannabis Sattiva. Shtetasi i lartpërmendur, është paraqitur në dalje të Republikës së Shqipërisë, me mjetin kamion tip “DAF” me targa AA348OX/AER353. Pasi janë krijuar dyshime për trafik të lëndëve narkotike, kamioni iu nënshtrua më tej, procesit të skanimit, ku u gjend dhe sasia e drogës.