3 persona janë vënë në pranga mëngjesin e së enjtes, vetëm pak orë pasi ata kishin qëlluar me armë zjarri drejt uniformave blu. Mësohet se Policia e Elbasanit arrestoi Florenc Çapja, Ardian Çapja dhe nipin e tyre Bledar Muça. Sipas të dhënave të uniformave blu,  këta 3 shtetas kanë qëlluar me armë zjarri në drejtim të policisë në orët e mbrëmjes së djeshme pranë hotel “Univers” në afërsi të stadiumit në Elbasan. Edhe policia ishte kundërpërgjigjur sulmit me armë. Fatmirësisht nuk ka pasur të lënduar por paniku mes qytetarëve ka qenë i madh.

Nga të dhënat parapare të policisë, thuhet se Çapajt kanë shtënë në drejtim të policisë. Ardian Çapja njihet si pronar i hotel “Univers” ndërsa Florenci është nipi i tij.

Çfarë ndodhi një natë më parë?
Pasditen e 8 qershorit një grup efektivësh të policisë të veshur civilë dhe me makinë ishin në atë zonë në afërsi të hotelit. Ata kanë kaluar disa herë me makinë para hotel Univers. Një fakt i tillë është vënë re nga Çapajt, të cilëve u kanë lindur dyshime se mund të jenë hasmit. Ata janë vënë në ndjekje të makinës private të policisë dhe kanë qëlluar mbi ta, por që kanë hasur në kundërpërgjigjen e policisë.