Autoriteti Rrugor Shqiptar ka nisur rivendosjen e tabelave shqip dhe greqisht në bashkinë e Finiqit.

Sonila Qato, Kreu i ARRSH bëri me dije për mediat se të gjitha tabelat e mëparshme do të zëvendësohen me të reja duke theksuar se tabelat e mëparshme nuk ishin në përputhje me kodin rrugor.

Pesë ditë më parë tabelat që vendosi bashkia dhe që më pas u hoqën kishin gjuhë të parë greqishten dhe të dytë shqipe.

Kryeministri Rama por edhe ARRSH u shprehën se tabelat nuk u hoqën për këtë shkak, por për faktin se nuk ishte marrë leje dhe se nuk ishin marrë parasysh parametrat e sigurisë rrugore.

Një ditë më parë ministri i Jashtëm grek tha se kishte marre garanci nga pala shqiptare se tabelat do te rivendoseshin shumë shpejt.