Një ditë pasi njoftoi zyrtarisht në Asamblenë Kombëtare të PS-së përbërjen e qeverisë së re, kryeministri Edi Rama do të mbledhë pasdite në Vlorë kabinetin e ri.

Takimi do të jetë informal dhe në të do të diskutohet organizimin e strukturave të reja, drejtoritë dhe kompetencat e tyre.

Një tjetër pikë e rëndësishme është edhe përcaktimi i afateve për zbatimin e programit qeverisës për 4 vitet e ardhshme.

Ky takim vjen një ditë pasi nga Asambleja Kombëtare e PS-së, Rama bëri publik dhe emrat e 13 ministrave dhe zv/kryeministres me të cilët do të qeverisë në mandatin e dytë.