Qeveria shqiptare ka vendosur të jap një kontribut për viktimat e Greqisë.

Me vendim të këshillit të ministrave qeveria ka ofruar 100 mijë euro për lehtësimin e pasojave të dëmeve të shkaktuara nga zjarret masive që goditën shtetin helen.

Vendimi i Këshillit të Ministrit është publikuar ditën e sotme nëpërmjet një njoftimi në Twitter.

'Lutjet tona shkojnë për fqinjin tonë Greqinë dhe shqiptarët që jetojnë atje.

Ditët e fundit kanë qenë shkatërruese dhe shpresojmë që kontributi ynë modest financiar t'iu ndihmojë në këto ditë të vështira", shkruhet në postimin në Twitter.