Kryeministri Edi Rama i është përgjigjur akuzave të Partisë Demokratike e cila deklaroi se maxhoranca socialiste e ka çuar në kolaps sistemin e drejtësisë. Pas mosdhënies se konsensusit nga ana e opozitës për ligjin e Magjistraturës, kreu i qeverisë ka zgjedhur të reagojë përmes rrjeteve sociale duke shkruar se vetingu po pastron Pallatin e Drejtësisë nga llumi. 

Edi Rama
Vetingu po vepron në pavarësi të plotë e monitorim ndërkombëtar. Fletërrufetë kundër Vetingut janë dëshpërimi i atyre që e mbushën me llum Pallatin e Drejtësisë!Loja mbaroi. Gjykatat e sipërme do pastrohen deri në fund e do ringrihen për ta bërë më në fund drejtësinë Drejtësi.