Vetëm pak minuta më parë kreu i qeverisë, Edi Rama ka kaluar përpara ‘Çadrës së Lirisë’ nga ku proteston prej 16 ditësh Partia Demokratike. Kalimi i tij pranë protestuesve është shoqëruar me brohërimat, ‘Rama ik’ si dhe fyerje dhe sharje ndaj tij.

Ky veprim i kryeministrit po ashtu është parë si provokim nga ana e protestuesve të cilët menjëherë kanë bllokuar rrugën dhe kanë vënë aty edhe statujat prej kartoni të ministrave dhe të inkriminuarve. Kryeministri ka kaluar pranë protestës i shoqëruar nga 4 truproja dhe është drejtuar pas kullave binjake për të drekuar.