Kryeministri u bëri thirrje fermerëve që të bashkohen në kooperativa, pasi kështu do t’iu rriten më shumë të ardhurat.

“Nuk duhet të shkojë secili më vete, duhet një linjë strategjike, dhe prandaj ne duam që të bashkohemi, do të heqim TVSH për shoqëritë e bashkimit bujqësore. Duke u bërë bashkë ju ulni koston, hyni në një sistem duke prodhuar gjërat e duhura dhe kur vinë ata nga Tirana, që të t’iu përçajnë sepse ju ulni çmimin.

Qeveria nuk mbështet të gjithë, por mbështet 15 kultura që kanë të ardhura dhe kanë prodhueshmëri. Duhet të mësojmë nga suksesi dhe nga gabimet e së shkuarës. Në qoftë se prodhojmë produktet e duhura, ka treg dhe për brenda dhe për jashtë. Duke u bërë bashkë keni më shumë sukses”- ka deklaruar Rama përpara fermerëve.

Pas fjalimit të kryeministrit nuk kanë munguar as batutat me të pranishmit. Njëri prej tyre tha se ata ishin të gatshëm për çdo vendim që Rama do merrte.

“I miratojmë të gjitha këto që the. E paçi jetën të gjatë. Dhe asaj shoqes që del me çizme”- tha një fermer, ndërsa Rama iu përgjigj: “Po lërë atë shoqen. Hajde tani”.