Administrata ka qenë në fokus të kryeministrit Edi Rama përgjatë gjithë fushatës elektorale. Kjo ka qenë dhe pika me të cilën ka replikuar më së shumti në distancë me aleatin e tij në qeveri Lëvizjen Socialiste për Integrim. Por shembulli se ku do që të reformojë administratën është pikërisht është Qendra e Shërbimeve të Integruara në Krujë, Adisa.
Edi Rama
Ky është modeli që na duhet për ta shpërthyer komplet atë gangrenën e zyrave të shërbimit për qytetarët dhe për ta kombinuar pastaj me shërbimin online, që të çlirohen komplet njerëzit nga ky maskarallëk e vështirësitë e pafundme. Çfarë nuk kemi hequr me këto historitë, jo kush parti e ka, jo e ka partia tjetër, por që nëse ne integrojmë këtë në sistem bëjmë një revolucion të madh”
Çfarë ofron qendra ADISA
Drejtori i kësaj qendre i ka sqaruar kryeministrit numrin e madh të shërbimeve që ju ofrohet qytetarëve në vetëm një qendër.
Drejtori i ADISA Krujë
Këtu ofrohen rreth 233 shërbime nga 6 institucioneve. Qytetari paraqitet te “Info Point”, merr informacionin e duhur, pajiset me një biletë dhe paraqitet pranë sportelit. Maksimumi një aplikim shkon nga 5-10 minuta. Një pjesë përgjigjet i marrin këtu, një pjesë i kalon me postë
Projekti ADISA është vendosur në 5 qytete të vendit, ndërsa qeveria e majtë parashikon që ky projekt të shtrihet në mbarë vendin.