Kryeministri Edi Rama nuk e fshehu gëzimin dhe e shoqëroi me të bërtitura gjithë fjalimin e tij te Piramida para simpatizantëve të PS-së. I sigurt për një fitore të PS-së në 25 qershor, Rama tha se e majta do ketë dy gëzime, duke shtuar se do fitojnë në të njëjtën datë edhe zgjedhjet në Kavajë.

“Nuk do lejojmë që opozitës t’i preket asnjë fije floku. Nuk duam të shkelet asnjë e drejtë e opazitës. Gara nuk është kush pengon tjetrin, por kush vrapon më shpejt se të tjerët. Ka shumë rëndësi, që ne edhe njëherë tjetër provuam se nuk jemi të gjithë të tjerë. Sa herë më thoshin sikur të ishin ata, as do na kishin kthyer sytë jo më të na luteshin aman takohemi”, tha ai ndërsa bërtiste duke kërkuar që simpatizantët e mbledhur të brohorisnin Shqipëria në kor.

“Jepi, jepi, jepi, jepi!! More ti c’më sheh mua. Shqipëri, Shqipëri”,- u dëgjua të bërtiste më të madhe kryeministri.

E duke mos e fshehur dot gëzimin, ai e pohoi edhe me gojën e tij: “Jam shumë i kënaqur sot. Më në fund pas shumë lutjesh u takuam me opozitën na erdhën me një Mc Allister dhe u ndamë me një Big Mc pro”. Rroftë Shqipëria. Rroftë Paaaarrrtiaa Soooosialistee”, bërtiste kryeministri.